अजुनी बसुनी आहे...

Year End Song.. 01

अजुनी बसुनी आहे, हलता गडी हले ना
मिटले तसेच नेत्र कीं पापणी हले ना !

मजबूत तू रिचावी, म्हणुनीच मी बसावे
मी ठास सांगताच, ग्लासात तू घुसावे
ते आज का नसावे ? रम का उणी पडे ना?
धरिला... असाच प्याला की घोट घेववेना !
अजुनी बसुनी आहे...

की मूड नाही भाव? जमला न आज रंग !
घेण्यात दोन घोट, केलास भंग ढंग ?
पुतळा असा कसा हा, ज्या ग्लासही दिसेना ?
... ज्या ग्लास ही दिसेना

अजुनी बसुनी आहे, हलतां गडी हले ना !
मिटले तसेच नेत्र कीं पापणी हले ना !
अजुनी बसुनी आहे...

-बारकवी

त्या दारुतळी...

त्या दारुतळी पसरलो पीत
चषक रिकामे घेउनि फिरतो,
इथे तिथे टेकीत

सुका चणा मग भारी चाकणा
धुरातुनी चमकते फ्लेक ना
तृप्तपणे प्राशीत बैसतो,
ती माया रिचवीत

विशाल चषकी, लार्ज ओतली,
थंडधार बर्फावर धरली
मनीची कुसप्ट, मते भिरकती
तसे स्टिरावे तीस

मद्यालसा तीन पेग पेलुनी
वाट बघे, झणी रीपीट सांगुनी
कंठजाळ मळमळे,
वळे तो बेसिनकडे शंकीत

वदन खुळे, रसपान साजरे
उभे राहता पाय थरथरे
चषकी अमृत उतू जाय
परि कर्म जाय मातीत

उभी-उभी ती बाटली रिचली
ग्रहणे मम तनु थकली गळली
एक देह, परि चरण विखुरले,
उभा मार्ग- मापीत

त्या दारुतळी पसरलो पीत
चषक रिकामे घेउनि फिरतो,
इथे तिथे टेकीत

-बारकवी